रूपेश यादव
बारा,२९ पाैष
बाराको करैयामाइ गाउँपालिकाले १८ औँ हिउँदे नगर अधिवेशन सम्पन्न भएको छ । आर्थिक वर्ष ०८२–८३ का लागि संशोधनसहितको नीति तथा कार्यक्रम प्रस्तुत गर्दै आगामी विकासका योजना सार्वजनिक गरेको हो ।
नगरसभामा नगर अध्यक्ष शम्भु प्रसाद यादव, उपाध्यक्ष सुनैना देवी चौधरी ,वडाध्यक्षहरू कार्यपालिका सदस्य, र शाखा प्रमुखहरूको उपस्थिति रहेको थियो। सभामा शिक्षा, स्वास्थ्य, कृषि, सडक पूर्वाधार, खानेपानी र युवा स्वरोजगारलाई प्राथमिकता दिइएको नगर अध्यक्ष यादवले जानकारी दिए ।
उनले करैयामाइलाइ समृद्ध पालिकाको रूपमा विकास गर्न स्थानीय सरकार प्रतिबद्धता अनुरूप योजनाहरू तर्जुमा गरिएको बताए । अध्यक्ष यादवले पालिकावासीसँगको सहकार्य र सहभागिताको माध्यमबाट विकासका कार्यलाई तीव्रता दिने बताएका छन्। सभाले जलवायु परिवर्तन र वातावरण संरक्षणलाई ध्यानमा राखी हरियाली प्रवर्द्धनका कार्यक्रमहरू लागू गर्ने निर्णय गरेको छ ।
गाउँसभामा विगतका योजनाहरूको प्रगति विवरण प्रस्तुत गर्दै कार्यान्वयनमा भएका चुनौतीहरूको समाधान गर्न नयाँ रणनीतिहरू अघि सारिएको बताउँदै पालिकाले आगामी वर्षमा विकास र सेवामा अझ प्रभावकारी हुने योजना तयार पारिएको जनाए ।
सभाले करैयामाइको प्रमुख समस्याहरू समाधान गर्न ठोस योजना लागू गर्न निर्णय गर्दै गाउँ पालिकावासीलाई प्रत्यक्ष लाभ पुग्ने कार्यक्रमहरूमा करैयामाइ गाउँपालिकाले प्राथमिकता दिने हिउँदे नगर अधिवेशनमा पारित गरिएको छ ।
उक्त अधिवेशनमा जनप्रतिनिधि , ईलाका प्रहरी कार्यालयका कार्यालय प्रमुख रन्जन मिश्रा , शाखाका कर्मचारीहरु लगाएत सञ्चारकर्मीहरुकाे उपस्थिति रहनु भएको थियो।