चरित्र, छवि र इमान्दारिताका प्रतीक जनमत पार्टीका बारा–२ का उम्मेदवार सिए राजेश साहप्रति जनविश्वास बलियो
चरित्र, छवि र इमान्दारिताका प्रतीक जनमत पार्टीका बारा–२ का उम्मेदवार सिए राजेश साहप्रति जनविश्वास बलियो
बारा , ११ माघ
आसन्न प्रतिनिधिसभा निर्वाचनलाई लक्षित गर्दै बारा निर्वाचन क्षेत्र नं. २ मा जनमत पार्टीका उम्मेदवार सिए राजेश साहप्रति जनविश्वास दिनप्रतिदिन बढ्दै गएको छ। स्वच्छ चरित्र, स्पष्ट छवि र इमान्दारितालाई आफ्नो राजनीतिक पहिचान बनाएका साहलाई स्थानीय मतदाताले भरोसायोग्य विकल्पका रूपमा लिन थालेका छन्।
लामो समयदेखि समाजसेवा, आर्थिक अनुशासन र सार्वजनिक हितका विषयमा सक्रिय रहँदै आएका सिए राजेश साहले राजनीतिलाई सेवा र उत्तरदायित्वको माध्यम बनाउने प्रतिबद्धता व्यक्त गर्दै आएका छन्। उहाँले चुनावी अभियानका क्रममा शिक्षा, स्वास्थ्य, रोजगारी, कृषिको आधुनिकीकरण, युवालाई स्वरोजगार र सुशासनलाई प्रमुख प्राथमिकतामा राख्दै जनतासँग प्रत्यक्ष संवाद गरिरहनु भएको छ।
घरदैलो अभियान, टोलभेला र स्थानीय सरोकारवालासँगको छलफलमा साहले विगतमा जनताले भोग्दै आएको विकासको अभाव, बेरोजगारी, भ्रष्टाचार र पहुँचको राजनीति अन्त्य गर्न ठोस योजना प्रस्तुत गरिरहेका छन्। “राजनीति व्यक्तिगत स्वार्थका लागि होइन, जनताको जीवनस्तर सुधारका लागि हुनुपर्छ,” भन्ने उहाँको धारणा मतदातामाझ लोकप्रिय बन्दै गएको छ।
स्थानीय बुद्धिजीवी, युवा र व्यवसायी वर्गले समेत सिए राजेश साहलाई स्वच्छ छवि भएका, हिसाब–किताबमा पारदर्शी र निर्णयमा दृढ नेता भनेर मूल्यांकन गरेका छन्। जनमत पार्टीको नीति र सिद्धान्तअनुसार जनताको आवाज संसदसम्म पुर्याउने र क्षेत्रको दीर्घकालीन विकासमा काम गर्ने प्रतिबद्धताले उहाँको अभियानलाई थप बल पुगेको देखिन्छ।
बारा–२ मा विगतका प्रतिनिधिबाट अपेक्षित उपलब्धि नदेखिएको गुनासोबीच, मतदाताले यसपटक इमान्दार र जवाफदेही नेतृत्व खोजिरहेका छन्। यही सन्दर्भमा सिए राजेश साह जनताको भरोसा जित्दै अग्रपंक्तिमा देखिन थालेका छन्। जनताको चाहना र आवश्यकतालाई केन्द्रमा राखेर अघि बढ्ने उहाँको अभियानले निर्वाचनलाई रोचक बनाएको छ।