बिश्रामपुर गाापाको १७ औ गाउँसभा सम्पन्न, ३२ करोड १० लाखको बजेट प्रस्तुत
बिश्रामपुर गाापाको १७ औ गाउँसभा सम्पन्न, ३२ करोड १० लाखको बजेट प्रस्तुत
शु.आ. सम्बाददाता
कलैया , ०७ आषाढ
बिश्रामपुर गााउँपालिकाको १७ औ गाउँसभा शनिबार सम्पन्न भएको छ। गाउँपालिकाको सभाहलमा नै एक कार्यक्रमको आयोजना गरी आर्थिक बर्ष २०८२/०८३ को बजेट ३२ करोड १० लाख ४९ हजार ०५ सय २८ रुपैंयाको प्रस्तुत गरीएको छ।
गाउँपालिका उपाअध्यक्ष प्रियंका देबी साहको बजेट प्रस्तुत गर्न वडा नं २ को वडा अध्यक्ष मनोज यादव अधिकार दिएकोमा वडा अध्यक्ष यादवले निति तथा कार्यक्रम सहित बजेट प्रस्तुत गरेका थिए।
उक्त गाउँसभामा लेखा प्रमुख बजरङ्गी जयसवालले आर्थिक बर्ष २०८१/०८२ को हालसम्म भएको आय व्यय प्रस्तुत गरेका थिए। भने प्रमुख प्रशासकीय अधिकृत राकेश ओझाले स्वागत मन्तव्य राख्दै जनताको प्रत्यक्ष सरोकार राख्ने स्थानिय तह भएको बताएका छन्। साथै स्थानिय तहसँग जनताको अपेक्षा र चाहना धेरै हुने गरेकोले बिगतको तुलनामा सँघ सरकार र प्रदेश सरकारबाट प्राप्त अनुदानमा कटौती हुने गरेको पुरा हुन नसकेको बताएका छन्।
स्थानीय तहबाट जनताले सुबिधाहरू पाउन राजश्व समेत बुझाउनु पर्नेमा प्रमुख प्रशासकीय अधिकृत ओझाले जोड दिँदै जनप्रतिनिधि र कर्मचारीको सहकार्यमा विश्रामपुर गाउँपालिका निर्वाधरुपमा अगाडि बढिरहेको बताएका छन्।
गाउँपालिका अध्यक्ष जुल्फकार अलि भुटो ( जुबेर भाई)ले गाउँसभाको अध्यक्षता गर्दै गाउँपालिकाले समावेशी, दिगो विकास र नागरिकमुखी सेवा प्रवाहलाई प्राथमिकता दिएको बताएका छन ।
नीति तथा कार्यक्रममा शिक्षा, स्वास्थ्य, पूर्वाधार, सामाजिक सुरक्षा, कृषिको आधुनिकीकरण तथा रोजगारी सिर्जनालाई केन्द्रमा राखिएको बताउदै अध्यक्ष भुट्टोले गाउँको समग्र विकासका लागि सबै सरोकारवालासँग सहकार्य गर्दै अघि बढ्ने प्रतिबद्धता जनाएका छन ।
गाउँसभामा गाउँपालिकाको पालिकाको ५ वटा वडाका वडाध्यक्षहरू गाउँ सभा सदस्यहरु,गाउँपालिकाका कर्मचारी, राजनीतिक दलका प्रतिनिधि, पत्रकार, नागरिक समाजका अगुवाहरू लगायतको उपस्थिति रहेको थियो।
भने कार्यक्रममा सँचालन स्वास्थ्य शाखा प्रमुख अलि अकबर हुसेनले गरेका थिए ।
