मधेशसमाचार

सरोजकुमार यादव मधेश प्रदेशको मुख्यमन्त्री नियुक्त

बारा, ०५ मंसिर

मधेश प्रदेशमा नयाँ सरकारको नेतृत्व गर्दै जनता समाजवादी पार्टी (जसपा) नेपालका सरोजकुमार यादव मुख्यमन्त्री नियुक्त भएका छन्। प्रदेश प्रमुख सुरेन्द्रलाभ कर्णले शनिबार यादवलाई मुख्यमन्त्री पदमा नियुक्त गरेका हुन्।

प्रदेशसभामा सबैभन्दा ठूलो दलको संसदीय दलका नेताका रूपमा यादवलाई नेपालको संविधानको धारा १६८ को उपधारा (३) अनुसार मुख्यमन्त्री नियुक्त गरिएको हो।

संविधानको उक्त प्रावधानअनुसार प्रदेशसभामा सबैभन्दा बढी सदस्य रहेको दलको संसदीय दलका नेतालाई प्रदेश सरकारको नेतृत्व गर्ने जिम्मेवारी प्रदान गर्ने व्यवस्था छ। सोही संवैधानिक व्यवस्थाअनुसार प्रदेश प्रमुख कर्णले यादवलाई मुख्यमन्त्री नियुक्त गरेका हुन्।

मुख्यमन्त्रीमा नियुक्त भएसँगै यादवको नेतृत्वमा मधेश प्रदेशमा नयाँ सरकार गठनको प्रक्रिया अघि बढ्ने भएको छ। अब प्रदेश सरकारको आगामी कार्यदिशा, मन्त्रिपरिषद् गठन तथा प्रदेशसभामा सरकारको राजनीतिक आधारलाई लिएर चासो बढेको छ।

Related Articles

Leave a Reply

Your email address will not be published. Required fields are marked *

Back to top button